21 აპრილი 2017

როცა გავიზრდები

„როცა გავიზრდები მინდა ბოქსიორი გამოვიდე“ - გაგვიმხილა 8 წლის თომამ, დაგვპირდა რომ ჩვენც დაგვიცავს და გვჯერა ეს ასეც იქნება. . .

თომა ჩვენი მეგობარია, თქვენი მეგობარიცაა, თქვენ მისი სიცოცხლისთვის იბრძოლეთ და სწორედ თვენი დახმარებით თომამ მძიმე დაავადებასთან ორთაბრძოლაში რამოდენიმე რაუნდი უკვე მოიგო. . . ის ამ ბრძოლაში გამარჯვებულია და ამ გამარჯვებას კონკრეტული სახელები აქვს, თქვენი სახელები ვინც თომას დახმარების ხელი გაუწოდეთ.

ორთაბრძოლა კი ხანგრძლივი და რთული იყო - ეს იყო ქირურგიული ოპერაციისა და რადიოთერაპიის რაუნდი, შემდეგ დიაგნოსტიკისა და მედიკამენტოზური მკურნალობის რაუნდი რაც დაახლოებით 2 ხანგრძლივ წელიწადს გრძელდებოდა საბოლოოდ კი მძიმე დიაგნოზის დამარცხებით დასრულდა.

საქართველოს სოლიდარობის ფონდმა თქვენი დახმარებით თომას მკურნალობა 30 500 აშშ დოლარით და 9 850 ლარით უკვე დააფინანსა. ბავშვის მკურნალობაში ასევე მნიშვნელოვანი წვლილი შეიტანა საქართველოს შრომის, ჯანმრთელობისა და სოციალური დაცვის სამინისტრომ, ქალაქ თბილისის მერიამ და დიმიტრი ცინცაძის სახელობის ფონდმა.

შენ უკვე ბოქსიორი ხარ თომა, ყველაზე რთულ ორთაბრძოლაში გამარჯვებამოპოვებული!


14 სექტემბერი 2017
საქართველოს სოლიდარობის ფონდს ფინანსთა სამინსიტროს საგამოძიებო სამსახურის თანამშრომლები შემოუერთდნენ
საქართველოს სოლიდარობის ფონდსა და საქართველოს ფინანსთა სამინისტროს საგამოძიებო სამსახურს შორის ნებაყოფლობითი დონაციის შესახებ ურთიერთთანამშრომლობის მემორანდუმი გაფორმდა.
07 სექტემბერი 2017
სოლიდარობის ფონდის 25-ე პერიოდული ანგარიში
წარმოგიდგენთ სოლიდარობის ფონდის საქმიანობის რიგით 25-ე პერიოდულ ანგარიშს, რომელიც თქვენთან ერთად მიღწეულ შედეგებს ასახავს.
07 აგვისტო 2017
სოლიდარობის ფონდის 24-ე პერიოდული ანგარიში
სოლიდარობის ფონდი წარმოგიდგენთ საქმიანობის რიგით 24-ე ანგარიშს, რომელიც თქვენთან ერთად მიღწეულ შედეგებს მოიცავს ფონდის დაარსებიდან დღემდე. თქვენი დახმარებით უწყვეტად დავეხმარეთ 414 ოჯახს, რომელსაც ონკოლოგიური დაავადების მქონე ბავშვი თუ 22 წლამდე ახალგაზრდა ჰყავს.
18 ივლისი 2017
სოლიდარობის ფონდი ავერსის კლინიკას ეწვია
სოლიდარობის ფონდი ავერსის კლინიკას ეწვია, სადაც ჩვენ ბენეფიციარს, ამირან დავიანტს რთული ქირურგიული ოპერაცია ჩაუტარდა. ოპერაცია წარმატებით დასრულდა. რაც ყველაზე სააიხარულოა, ამირანი თავს უკეთ გრძნობს.
18 ივლისი 2017
ავერსო ფარმა
სოლიდარობის ფონდი ავერსი ჯგუფის კიდევ ერთ კომპანიას, ავერსი ფარმასაც ეწვია. შეხვედრაზე სოლიდარობის ფონდმა ავერსი ფარმას თანამშრომლებს 3 წლის მუშაობის ანგარიში წარუდგინა, ვიზიტის ფარგლებში ასევე განხილულ იქნა კომპანიის ჩართულობის შესაძლებლობაც, რაც უმნიშვნელოვანესი იქნება სიმსივნით დაავადებული ბავშვებისა და 22 წლამდე ახალგაზრდების მხარდასაჭერად.
18 ივლისი 2017
შეფასების ციკლი
სოლიდარობის ფონდმა, ფონდის ბენეფიციარების და მათი მშობლების მიერ კლინიკებისადმი კმაყოფილების შეფასების ციკლი დაიწყო, რაც მნიშვნელოვანი კომპონენტია კლინიკაში მომსახურების ხარისხის შესაფასებლად. აღნიშნულ პროცესში ჩაერთვებიან მშობლები/ბენეფიციარები შესაბამისი კლინიკების მიხედვით და ასევე წარმომადგენლები დიმიტრი ცინცაძის სახელობის და ბერი ანდრიას ფონდებიდან.
დაეხმარე ფონდს
სულ ჩარიცხული თანხა
10865015,00
მიმდინარე ონლაინ გადარიცხვები
829,00

ჯამი

10865844,00