აპოსტილი თუ საკონსულო ლეგალიზაცია? შეამოწმეთ ქვეყნის მიხედვით

ოფიციალური წყარო ჰააგის საერთაშორისო კერძო სამართლის კონფერენციის სტატუსების ცხრილია, სადაც ყოველი ქვეყნისთვის კონვენციის ძალაში შესვლის თარიღი წერია. ჩვენი ხელსაწყო ამ სიას ეყრდნობა და ქართველი კლიენტებისთვის ყველაზე ხშირ ქვეყნებს მოიცავს. სია დროდადრო იცვლება, ამიტომ ყოველ შეკვეთაზე ოფიციალურ ცხრილს ხელახლა ვამოწმებთ, სანამ დოკუმენტს იუსტიციის სახლში წარვადგენთ.

ხელსაწყოში ის ქვეყნებია, სადაც ქართველი პაციენტები და ოჯახები ყველაზე ხშირად მიდიან. თუ თქვენი ქვეყანა სიაში ვერ იპოვეთ, მოგვწერეთ ან დაგვირეკეთ: ოფიციალური სიით შევამოწმებთ, წევრია თუ არა, და დაგიწერთ, რა ეტაპები სჭირდება დოკუმენტს. თუ ქვეყანა არაწევრია, დავაზუსტებთ, სად მდებარეობს მისი საელჩო ან საკონსულო, რადგან ხშირად ის მეზობელ ქვეყანაშია.

ორივე ვარიანტი არსებობს და არჩევანი მიმღების მოთხოვნაზეა დამოკიდებული. სახელმწიფო დოკუმენტზე აპოსტილი ჩვეულებრივ დედანს ესმევა, შემდეგ კი დოკუმენტი შტამპის ჩათვლით ითარგმნება. ზოგი მიმღები ითხოვს, რომ საქართველოში შესრულებული ნოტარიული თარგმანიც აპოსტილით იყოს დამოწმებული, ზოგი კი თარგმანს თავის ქვეყანაში, ნაფიცი თარჯიმნისგან ელოდება. ამას ყოველთვის წინასწარ ვაზუსტებთ.

არა. იუსტიციის სახლში დოკუმენტს ნებისმიერი პირი წარადგენს და ამისთვის მინდობილობა არ არის საჭირო, რადგან აპოსტილი დოკუმენტს ამოწმებს და არა მის მფლობელს. ამიტომ, თუ საზღვარგარეთ ხართ, საკმარისია დოკუმენტი საქართველოში გვქონდეს: ჩვენ წარვადგენთ, შტამპს დავასმევინებთ, საჭიროებისამებრ ვთარგმნით და DHL-ით გამოგიგზავნით. მინდობილობა მხოლოდ მაშინ დაგჭირდებათ, თუ ჯერ ცნობის ან ამონაწერის აღებაა საჭირო თქვენი სახელით.

აპოსტილს თავისთავად ვადა არ აქვს: ის ადასტურებს, რომ კონკრეტულ თარიღზე დოკუმენტზე არსებული ხელმოწერა ნამდვილი იყო. თუმცა მიმღებმა შეიძლება თავად დოკუმენტის სიძველე შეზღუდოს. ზოგი საელჩო, მაგალითად, ნასამართლობის ცნობას მხოლოდ ბოლო რამდენიმე თვეში გაცემულს იღებს. ასეთ შემთხვევაში ახალი ცნობაა საჭირო და მასზე ახალი აპოსტილი, ძველის განახლება არ ხდება.